Plant-Y-Ganrifnesaf

Lle mae dysgu a gofalu yn hollbwysig...

Datblygiad

3 Mis -12 Mis

Mae babanod yn teimlo'n ddiogel oherwydd bod ein staff yn ail-greu amgylchedd gartrefol ac yn rhoi digon o wenau a maldod.

Ceir ystod eang o degannau cyffrous megis baby gyms, ratlau, drychau, symudion cerddorol a thwneli gweithgareddau. Mae'r rhain yn annog iddynt ddatblygu eu sgiliau symud megis gafael a chicio, ac hefyd sgiliau cyfathrebu megis chwerthin. Wrth i'r babanod dyfu a medru ymestyn, rholio, eistedd, cropian, sefyll ac ym mhen hir a hwyr cerdded, cant eu hannog i chwarae a datblygu ar gylymder eu hunain.

Trwy chwarae gyda phaent, d?r, tywod etc, rhoddir hyder i fabanod arbrofi wrth chwarae'n arbrofol.

Sgiliau Symud

Gellir disgrifio sgiliau symud fel gweithredu a chydsymud rhannau'r corff, ac hefyd datblygu cryfder, rheoli osgo, cydbwysedd a sgiliau canfyddiadol. Mae dau gategori o sgiliau symud.

Sgiliau Symud Manwl

Mae sgiliau symud manwl yw'r gallu i gynnwys symudiadau penodol megis ysgrifennu, torri, lliwio ac edafu. Mae sgiliau symud manwl yn cyfeirio at ddatblygu sgiliau sy'n cynnwys y grwp llai o gyhyrau.

Erbyn bod y plant yn 1 oed, dylai'r sgiliau symud canlynol fod wedi datblygu:

- Codi'r pen
- Rholio drosodd
- Eistedd
- Cydbwyso
- Cropian
- Cerdded

Mae'r canlynol yn cynnwys y sgiliau symud manwl a ddylai fod wedi'u datblygu:

- Ymestyn
- Gafael
- Gafael Gefail (Bawd a bys)
- Codi a gollwng gwrthrychau

Byddwch yn ywmybodol mai cyfarwyddyd cyffredinol yw hyn, a nid ar gyfer arfarnu diagnostig. Mae'n bwysig cofio bod y cyfnodau amser hyn yn gyfartaleddau a gall rhai plant ddatblygu'r sgiliau hyn yn gynharach neu hwyrach.